Wynand en Ishke

Ons paaie het jare gelede al gekruis op die karate mat, maar dit was eers weer op ’n Dinsdagaand, twee jaar terug, wat ons mekaar opnuut raakgeloop het. Kort daarna het Wynand se hart ’n nuwe rigting gevind toe hy betrokke raak in die kerk en sy lewe aan die Here oorgee—’n keerpunt wat ons storie nog meer besonders gemaak het.

Nie lank daarna nie, op ’n sonsak-rit terug van Sardinia Baai, het hy vir Ishke gevra om sy meisie te wees.

Op 7 Desember 2025 het Wynand vir Ishke verras met ’n klim teen die styl trappe van die Cape Recife se Lighuis, waar hy op een knie gegaan en die groot vraag gevra het. Wat dit nóg meer spesiaal maak, is dat hy in dieselfde week deur sy selgroep na die “Baken van Lig” selgroep uitgestuur is—met ’n kaartjie van dieselfde lighuis wat hy van sy vorige selgroep ontvang het.

Vir ons is dit ’n pragtige bevestiging dat God in elke detail van ons storie is. ✨